Вкупно ширум светот во 2020 година се продадени 2.141.311 автомобили кои за погон користат исклучиво струја. Од тоа, првите пет производители учествуваа со скоро 60%. И лани најмногу електрични возила продаде Tesla - 499.535 примероци, со кои освои цели 23% учество на глобалниот пазар. Следи кинескиот SAIC кој на купувачите им испорача вкупно 243.201 електричен автомобил (11% учество). На третото место е Volkswagen групата со продажба од 227.394 единици, а четврти Renault-Nissan-Mitsubishi алијансата (172.673). На петтото место е уште еден кинески производител, BYD, кој во 2020 година снабди 131.705 свои купувачи со електрични автомобили.