Навистина за неверување, но така е – крадецот, Бугарин (32), фатен и осуден на 2 години и 8 месеци затвор, едноставно со камион си влегол на централниот фабрички паркинг на Volkswagen, си товарил три возила Golf и пет Tiguan и си заминал. Финтата е во тоа што возачите таму сами ги товарат новите возила подготвени за транспорт, што Бугаринот веќе претходно го имал правено и на излез на капијата покажал стар товарен лист. Она што најмногу чуди е што во Перник, неколку дена по кражбата, биле регистрирани седум од возилата - осмото, Golf се разбира, крадецот го задржал за себе.
И за крај десерт - во периодот од 2016 до 2018 година од паркингот на фабриката на Volkswagen во Волфсбург имаат исчезнато 70 нови, свежо произведени возила, во вредност од три милиона евра.
